Álemdegi jaǵdaı: Aýstralııa, Úndistan, Pákistanda koronavırýs órshýde
LONDON. QazAqparat – Aýstralııa, Úndistan, Pákistan men basqa da elderde koronavırýs ınfektsııa órshýde. Bul týraly QazAqparat bbc.com silteme jasap habarlaıdy.
Djons Hopkıns ýnıversıtetiniń málimeti boıynsha álemde koronavırýs juqtyrǵandar sany 8,4 mln adamdy qurady. 450 myńnan astam naýqas qaıtys boldy
Qazirgi ýaqytta Latyn Amerıksy ınfektsııa taralý oshaǵyna aınaldy. Birqatar elde indettiń ekinshi tolqynynyń belgileri baıqalady.
Eýropa elderindegi jaǵdaı
Google men Apple anaýqastarmen baılanysty baqylaýǵa kómektesedi
Brıtandyq úkimet beısenbi kúni Covid-19-dy juqtyrǵandarmen baılanysty qadaǵalaýǵa arnalǵan óz qosymshasynan bas tartty jáne onyń ornyna uıaly telefondar naryǵynda ústemdik etetin amerıkalyq Apple jáne Google kompanııalarymen birge jumys isteıtin bolady.
Ulybrıtanııa – Eýropadaǵy koronavırýstan eń kóp zardap shekken el. Djons Hopkıns ýnıversıtetiniń málimetteri boıynsha, 300 myńnan astam adam aýrýǵa shaldyqqa (álemde besinshi oryn) jáne 42,3 myń adam qaıtys boldy (álemde úshinshi oryn).
Eýropadaǵy jaǵdaı
Germanııada eldiń soltústik-batysyndaǵy Gıýterslohtaǵy qasaphanada koronavırýs aýrýy bastalǵannan keıin myńdaǵan adam karantınge jabyldy. Myńnan astam adam Covid-19 testileýinen ótti. 650 adamnan koronavırýs anyqtaldy. Testileýden ótý úshin birneshe myń adam kezekte tur.
Reseı
Reseı densaýlyq saqtaýdy baqylaý málimeti boıynsha elde koronavırýstan jumys kezinde vırýs juqtyrǵan 489 dáriger qaıtys bolǵan. Bul mamyr aıyndaǵy statıstıkamen salystyrǵanda óte kóp, ol kezde Covid-19-dan 101 medıtsına qyzmetkeri qaıtys bolǵan. Reseı aýrý juqtyrǵandar sany boıynsha álemde úshinshi orynda, Sońǵy táýlikte anyqtalǵan 7790 oqıǵany qosa alǵanda 561 myń adam ınfektsııa juqtyrǵan.
Basqa elderdegi ahýal
Pákistanda Pendjab provıntsııasynyń birqatar qalasynda ishinara karantın engizildi. Provıntsııadaǵy halyq sany 100 mln adamnan asady. Sońǵy aptada keıbir aýdandarda, atap aıtqanda, Lahor ákimshilik ortalyǵynda koronavırýspen aýyrǵandar sany kúrt ósti. Pendjabtyń ózinde barlyǵy shamamen 60 myń koronavırýs juqtyrý jaǵdaılary tirkelgen. Polıtsııa lokdaýn engizilgen aýmaqtardyń shekarasyn kúzetedi. Tek azyq-túlik dúkenderi men dárihanalar ashyq. Qoǵamdyq kólik jumys istemeıdi, sondaı-aq jeke avtokólikpen júrýge tyıym salynǵan. Pákistan bıliginiń sheshimi boıynsha jańa jaǵdaılardyń sany 300-ge jetetin jerlerde karantın engiziledi.
Úndistanda aýyrǵandardyń rekordtyq táýliktik kórsetkishi tirkeldi, 12 881 adam vırýs juqtyrǵan. Delıde ınfektsııa Densaýlyq saqtaý mınıstrinen anyqtaldy, buǵan deıin ol tynys alý qıyndap, dene qyzýy kóterilgenine shaǵymdanyp, dárigerge júgingen bolatyn. Mýmbaıda myńdaǵan adam aýyryp qaldy. Alaıda, osyǵan qaramastan, Úndistan ekonomıkalyq sebepter úshin karantındi álsiretip otyr. Álemde syrqattanǵandar sany boıynsha Úndistan tórtinshi orynda. Elde 367 myńǵa jýyq adam aýyrsa, 12 myńnan astam naýqas qaıtys boldy.
Qytaı Covid-19-diń 28 jańa jaǵdaıy týraly habarlady. Onyń 21-i Beıjińde tirkelgen. Ótken aptada el astanasynda aýrý órship, qalanyń iri azyq-túlik bazary aýrý oshaǵyna aınaldy. Buǵan deıin 57 kún boıy qalada aýrýdyń birde-bir jańa jaǵdaıy tirkelmegen edi. Qazir Beıjińniń 30-ǵa jýyq aýdany karantınge jabyldy.
Avstralııada da jańa jaǵdaılar anyqtaldy. Halyq sany jóninen ekinshi orynda turǵan Aýstarlııanyń Vıktorııa shtatynda eki kúnde 18 adam aýyrǵan. Dárigerlerdiń aıtýynsha, ınfektsııa birneshe kún buryn Jańa Zelandııadaǵydaı sheteldik týrısterden emes, jergilikti halyqtan anyqtalǵan.
Latyn Amerıkasy - Covid-19 oshaǵy
Djons Hopkıns ýnıversıtetiniń málimeti boıynsha Perýde vırýs juqtyrǵandar sany 241 myńǵa jetti. Perý – koronavırýstan eń kóp zardap shekken Latyn Amerıkasyndaǵy Brazılııadan keıingi ekinshi el.
