Álemdegi jabaıy almalardyń jartysyna jýyǵy Almaty oblysynda ósedi
ASTANA. QazAqparat - Qazaqstannyń jabaıy almalary - álemdegi almalardyń qoldan ósiriletin mádenı túrleriniń túp atasy. Almaty oblystyq óńirlik kommýnıkatsııalar qyzmetinde ótken brıfıngte sheteldik mamandar osylaı dep málimdedi.
HVIII ǵasyrda Orta Azııaǵa sapary barysynda jabaıy almalardy alǵash zerttegen nemis ǵalymy Ioganna Sıverstiń qurmetine ǵylymı ortada «Sıvers almalary» atanǵan alma túpterin keıin qazaq akademıgi Aımaq Janǵalıev jalǵastyryp, «Sıvers» almasynyń 40 túrin anyqtap, ǵylymı sıpattama bergen.
Frantsııanyń Bas konsýly Patrık Renar, Іle jáne Jońǵar Alataýy qoryqtaryndaǵy alma baqtarynda zertteý júrgizgen frantsııalyq belgili bıolog-ǵalym, óz elindegi «Alma» qaýymdastyǵynyń prezıdenti Ketrın Peks, «Benneton» qorynyń dırektory Marko Tomaro (Italııa) jabaıy almalardy zertteý barysyndaǵy jetistikterimen bólisti.
Sondaı-aq, sheteldik meımandar BAQ ókilderine jabaıy almalar kóleminiń 48 paıyzy ornalasqan aıryqsha aımaq - Jetisý ólkesindegi genetıkalyq qordyń saqtalýy, ony damytý týraly jáne tabıǵattyń bul baılyǵyn paıdalana otyryp týrıstik áleýetti kóterý joldaryn áńgimelep berdi.
