Álemdegi tuńǵysh mıkrobtar murajaıy ashyldy
ASTANA. QazAqparat - Mıkroorganızmderdiń tuńǵysh murajaıy Amsterdam zoobaǵynda ashyldy. Onda jurtshylyq nazaryna tiri aǵzalar usynylýmen qatar, mýltımedııalyq tanystyrylymdar da ótkizilýde, dep habarlaıdy The Epoch Times.
Jer betinde tirshilik etetin tiri aǵzalardyń tórtten úsh bóligi adamnyń kózine kórinbeıdi. Mine, osy olqylyqtyń ornyn toltyrmaq maqsatta ashylǵan murajaı tek sol mıkrobtarǵa ǵana arnalǵan. Mundaı ekspozıtsııany qurý ıdeıasy 20 jyl buryn týyndasa da, ony júzege asyrýdyń sáti endi ǵana tústi, deıdi zoobaq basshylyǵy.
Zoobaqqa kelýshiler mıkroskoptardyń kómegimen mıkroorganızmderdiń tirshiligin baqylaı alady. Al jaǵalaı ornatylǵan ekrandarda mýltımedııalyq tanystyrylymdar júrgiziledi.
Al murajaıdyń eń basty eksponaty - arnaıy skanerdiń kómegimen adam aǵzasynda tirshilik etetin mıkrobtardan habardar bolýǵa bolady eken.
