Álemdegi tuńǵysh bıtkoındyq mıllıarderler ataldy
ASTANA. QazAqparat - Amerıkalyq egizder Taıler men Kemeron Ýınklvosstar álemdegi tuńǵysh bıtkoındyq mıllıarder atandy. Bul týraly jeksenbi kúni The Telegraph agenttigi jazdy.
Aǵaıyndylardyń dáýleti 100 myń bıtkoınǵa baǵalanyp otyr. Bir bıtkoınnyń quny 11,7 myń dollar (Coinmarketcap krıptovalıýtalyq alańnyń 3 jeltoqsandaǵy málimeti) turatyn bolsa, bul 1,17 mlrd.-qa jýyq AQSh dollaryn quraıdy.
Basylymnyń málimetinshe, bıznesmender krıptovalıýtany 2013 jyly 11 mln dollarǵa satyp alǵan. Ol kezde bir bıtkoın danasy úshin 120 dollar turǵan. Bul rette, olar bıtkoındardy satyp alýǵa aqshany Facebook kompanııasynyń negizin qalaýshy, Garvard ýnıversıtetinde birge oqyǵan Mark Tsýkerbergten sottasyp alǵan. Áleýmettik jelini qurý ıdeıasynyń avtorlyq quqyǵyna qatysty daýda sot jeńisti egizderge bergen.
Bul rette bıznesmender krıptovalıýtany satyp alyp qana qoımaı, derbes onlaın-bırja men venchýrlyq qor qurýdy sheshken. Gazettiń aqparatynsha, búgingi kúni Ýınklvoss aǵaıyndylaryna álemdegi árbir júzinshi bıtkoın tıesili.
