Álemdegi temeki shegýshiler sany mıllıardqa jetti
ASTANA. 8 qańtar. QazAqparat - Sońǵy statıstıka málimetterine sáıkes, búkil álem boıynsha shylym tartatyn jaman ádetke áýes adamdardyń sany mıllıardqa jýyqtap qalǵan.
Alaıda medıtsına qyzmetkerleri buǵan alańdaýshylyq bildirip otyrǵan joq. Sebebi olar temeki shegýshilerdiń absolıýtti mólsheri óskenmen, paıyzǵa shaqqanda álem boıynsha azaıdy deıdi. Demek temeki shegýshi adamdardyń sanynyń bulaı ósýi qarapaıym zańdylyq - sońǵy 50 jylda Jer sharynyń halqy eki ese ósken, soǵan sáıkes, temeki shegetin adamdardyń sany da paıyzdyq esepte ulǵaıa túsken. Sońǵy jyldary temekiniń syrtyndaǵy, sonymen birge qoǵamdyq oryndarda temeki shegýge salynǵan tyıymdar óz nátıjesin bergen syńaıly.
