Álemdegi shıelenisterdi sheshý ádisin jańǵyrtý qajet - Reseı delegatsııasynyń basshysy V.Voronkov
ASTANA. 28 qarasha. QazAqparat /Aıdar Ospanalıev/ - Eýropadaǵy qaýipsizdik jáne yntymaqtastyq uıymynyń Astana Sammıtinde Eýroatlantıkalyq keńistiktegi elderdiń qarym-qatynastarynyń negizindegi bazalyq ustanymdardy bekitip alǵan jón.
Áńgime qaýipsizdikti bólip alýǵa bolmaıtyndyǵynda jáne ózgelerdiń esebinen óz qaýipsizdigińdi qamtamasyz etpeý mindeti jóninde bolyp otyr. Bul týraly búgin Astanada ótken EQYU sammıtiniń Sholý konferentsııasynyń plenarlyq májilisinde Reseı delegatsııasynyń basshysy Vladımır Voronkov málim etti.
Onyń sózine qaraǵanda, Lıssabonda qabyldanǵan Reseı-NATO Keńesi Sammıtiniń málimdemesi tap osy maqsatqa negizdelgen.
«Sonymen qatar áskerı-saıası turaqtylyqty qamtamasyz etý isin de jalǵastyrý kerek. Al 2011 jyly Vena qujatynyń jańa túriniń qabyldanatynyna sebep jetkilikti. «Korfý pikirtalasy» álemdegi shıelenisterdi sheshý ádisin jańǵyrtý qajettigin kórsetti. Alaıda bul rette jańǵyrtamyn dep bar nárseniń ózinen ajyrap qalý qaýpi bar ekendigin este ustaǵan jón. Óıtkeni EQYU-nyń osyǵan deıingi sammıtterindegi qabyldanǵan sheshimder jaǵdaıdy ońalta almady. Shıelenisterdi bireýge tańýdyń keregi joq. Odan da olardyń sheshý joldaryn izdestirgen jón, ony ásirese arazdasýshy taraptardyń ózderi izdestirgenderi durys. Biz shıelenisterdi retteýdiń biryńǵaı prıntsıpterin boıynsha ózara kelisim qajet dep esepteımiz. Bizdiń bul usynysymyz qazir talqylanýda. Ol boıynsha Sammıt ótken soń naqty baılamdar jasalady degen oıdamyn», dedi Reseı ókili.
