Álemdegi koronavırýs: Taıland revaktsınatsııa merzimin 6 aıdan 3 aıǵa deıin qysqartty
Argentına bıligi jappaı is-sharalarǵa barý úshin sanıtarııalyq ruqsatnama engizedi. Covid-19-ǵa qarsy tolyq vaktsınatsııadan ókendigi týraly rastaý 1 qańtardan bastap 13 jastan asqan barlyq adamdardan talap etiledi.
Taıland revaktsınatsııa merzimin 6 aıdan 3 aıǵa deıin qysqartady. «Omıkronnyń» jańa shtamymen kúreste ımmýnıtetti arttyrý úshin tıisti sheshim qabyldandy.
Ulybrıtanııada «omıkron» shtamyn juqtyrǵan alǵashqy naýqas qaıtys boldy. Ulybrıtanııa Premer-mınıstri «omıkron» shtamynan týyndaǵan aýrý jeńil túrde júredi degen ıdeıany «birjola qoıýǵa» jáne koronavırýstyń jańa nusqasynyń taralý jyldamdyǵyna nazar aýdarýǵa shaqyrdy.
Djons Hopkıns ýnıversıtetiniń statıstıkasyna sáıkes pandemııa bastalǵannan beri AQSh-ta covid-19 rastalǵan jaǵdaılardyń sany 50 mıllıonnan asty, aýrý saldarynan 797 916 naýqas qaıtys boldy. Infektsııalardyń eń kóp sany Kalıfornııada - 5 169 348, Tehas shtatynda – 4 394 772 tirkeldi. Florıdada 3,75 mıllıonnan astam covid-19 juqtyrý deregi rastaldy, Nıý-Iork shtatynda - 2,85 mıllıonnan astam, Illınoıs shtatynda - 1,9 mıllıonnan astam jaǵdaı anyqtalǵan.
Kıpr respýblıkasy balalarǵa 5 jastan bastap vaktsınatsııa júrgizedi. 16 jeltoqsanda 5-11 jastaǵy balalardy koronavırýsqa qarsy ımmýndaý naýqany bastalady. «Vaktsınatsııa barlyq provıntsııalardaǵy Densaýlyq saqtaý mınıstrliginiń ana men balany qorǵaý ortalyqtarynda júrgiziledi», - dedi Densaýlyq saqtaý mınıstri Mıhalıs Hadzıpandelas. Sonymen qatar mınıstr 15 jeltoqsannan bastap «omıkron» shtamy nemese SARS-CoV-2 basqa da jańa mýtatsııasy anyqtalǵan adamdardy mindetti túrde oqshaýlaý engizilgenin málimdedi. Sondaı-aq, sanıtarııalyq talaptar saqtalmaǵan jaǵdaıda jeke kompanııalar uıymdastyrǵan Rojdestvolyq is-sharalar toqtatylady.
