Álemdegi koronavırýs: Birqatar elde shekteýler engizilip, ushýǵa tyıym salyndy
AQSh, Avstralııa jáne basqa elderde «omıkron» saldarynan búkil álem boıynsha myńdaǵan reıster toqtatyldy. Betlehem Rojdestvony shekteýlermen atap ótýge daıyndalyp jatyr. Bul týraly Bı-bı-sı reseılik qyzmetiniń sholýynda aıtylǵan, dep habarlaıdy «QazAqparat» HAA.
«Omıkron» nusqasy búkil planetada taralyp, barlyq ulttyq úkimetterdi kóbirek shekteýler engizýge májbúr etedi. Eýropanyń kóptegen elderi ınfektsııa deńgeıiniń kúrt ósýin atap ótti, Nıderlandyda osy aptada barlyq «qosymsha» mekemeler jabylyp, qatań oqshaýlaý engizildi, jumada Italııa men Ispanııada turǵyndar kóshede de betperde taǵýǵa mindetteldi. Basqa Eýropa elderi Rojdestvo men Jańa jyl arasynda qatań sharalar qoldanýǵa daıyndalýda. Germanııada 28 jeltoqsannan bastap 10 adamnan astam topta jınalýǵa tyıym salynyp, fýtbol matchtary jabyq esik jaǵdaıynda ótedi.
Portýgalııada lokdaýn 26 jeltoqsanda bastalady, sonymen qatar mindetti jumystar da úıden atqarylady. Munyń bári «omıkron» nusqasynyń óte jyldam taralýyna baılanysty. Keıbir sarapshylardyń aıtýynsha, halqynyń 80 paıyzdan astamy ekpe alatyn Eýropa elderi de buǵan daıyn bolmaǵan. Kıeli kitap boıynsha Isa Másih dúnıege kelgen Batys jaǵalaýdaǵy Betlehemde Rojdestvony toılaý kezinde vırýsqa qarsy sharalar qadaǵalanýy tıis. BBC-diń densaýlyq saqtaý jónindegi tilshisi Djeıms Gallaher atap ótkendeı, qazir álemdegi epıdemıologııalyq jaǵdaı ótken qystan múlde basqasha.
Ulybrıtanııa men Eýropa halqynyń kóp bóligi vaktsınatsııalanǵan, al búginde búkil álemde qoldanylatyn sharalar ótken jylǵy tolyq shekteýlerden áldeqaıda jeńil. «Omıkron» nusqasy burynǵyǵa qaraǵanda aýyr belgilermen birge júredi. Sońǵy zertteýlerde «omıkron» aýrýhanasynda bolý qaýpi «deltaǵa» qaraǵanda 30% -70% tómen ekendigi aıtylǵan. Alaıda, bul bárine birdeı qatysty emes - juqtyrǵan adamdardyń kópshiliginde kádimgi sýyq tııý belgiler bolady.
«Eger omıkronmen birge aýrýhanalarǵa eki ese az adamdar tússe, biraq ol eki ese kóp adamdy juqtyrsa, onda biz áli de joldyń basynda bolamyz», - deıdi Gallaher.
Ulybrıtanııada «omıkron» ásirese 40 jasqa deıingi adamdarǵa áser etti. Dál osy sanattaǵylar aýrýhanaǵa jatqyzylǵan brıtandyqtardyń kóp bóligin quraıdy.
«Omıkron» qarttarǵa jáne basqa da qaýip-qater toptaryna jetkende ne bolatynyn biz áli bilmeımiz. Bári Rojdestvolyq keshterden keıin belgili bolady», - deıdi Gallaher.
Rojdestvo qarsańynda búkil álem boıynsha reısterdi toqtatý saldarynan AQSh pen Avstralııadaǵy avıakompanııalar mıllıondaǵan jolaýshylar bılet satyp alǵan júzdegen reısterden bas tartty.
Amerıkalyq United Airlines kompanııasy reısterdiń toqtatylýyn onyń qyzmetkerleriniń kóp bóliginde koronavırýs anyqtalǵandyǵymen túsindirdi. Avstralııada Sıdneı men Melbýrn arasyndaǵy 100-ge jýyq reıs toqtatyldy. Reısterdi toqtatý myńdaǵan jolaýshylardyń jolyn bógedi. Juma kúni AQSh-taǵy omıkron nusqasyn juqtyrǵandardyń sany ótken pandemııa tolqynynyń shyńynan asyp tústi.