Álemdegi koronavırýs: Bangkokte týrızm maýsymy shegerildi, Shveıtsarııa elge kelý erejesin ózgertti

NUR-SULTAN. QazAqparat –Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram paraqshasynda Taıland, Shveıtsarııa jáne Ulybrıtanııadaǵy koronavırýsqa qatysty jańańalyqtary jarııalandy, dep habarlaıdy QazAqparat.

Taıland bıligi qalada vaktsınatsııanyń tómen qarqynyna baılanysty sheteldik týrıster úshin Bangkoktyń ashylýyn keıinge qaldyrdy, Merzim qazan aıynyń 1-nen 15-ne aýystyryldy. Halyqaralyq týrızmniń bastalý kúni basqa aımaqtarda - Pattaııa kýrorty ornalasqan Chonbýrı, Chıang Maı, Phetbýrı jáne Prachýapkhırıkhanda keıinge jyljýy múmkin.

Shveıtsarııa úkimeti elge kirýdiń jańa erejesin engizdi. 20 qyrkúıekten bastap vaktsına saldyrǵanyn nemese aýrýdan aıyqqanyn rastaıtyn qujat bolmaǵan kezde saıahatshylar teris test nátıjesin usynýy kerek. Sodan keıin 4-7 kúnnen keıin qaıta tekserýden ótý qajet bolady.

London metrosynyń operatorlary COVID-19-ǵa baılanysty eskalatorlarda qulap qalý jaǵdaılarynyń óskenin habarlady. Densaýlyǵyna asa saqtyqpen qaraıtyn jolaýshylar vırýs juqtyrýdan qorqyp, eskalator qorshaýyn ustamaýǵa tyrysady. Taǵy bir sebep - pabtarǵa barýǵa shekteýdi alyp tastaý, sebebi mas jolaýshy sany artyp ketken.