Álemdegi qonaqúıleri eń taza qalalar anyqtaldy
ASTANA. QazAqparat - Hotel.info saıtynyń mamandary ózderiniń arnaıy zertteýlerin júrgizý arqyly álemdegi eń taza qonaqúılerdi anyqtady, dep habarlaıdy mignews.com.
Zertteý nátıjeleri boıynsha, tazalyǵy jaǵynan Tokıo qalasyndaǵy otelder aldyńǵy orynǵa shyqqan. Japonııa astanasyndaǵy qonaqúılerde tazalyq jaǵy eń joǵarǵy kórsetkishterge ıe eken.
Al Eýropadaǵy Varshava, Bratıslava jáne Sofııa tazalyq pen jaılylyq izdegen týrıster úshin eń tıimdi qalalar bolmaq. Sebebi, tazalyq kórsetkishi boıynsha bul úsh shahar sáıkesinshe 8,76, 8,54 jáne 8,54 ballǵa ıe boldy. Al álemdi tamsandyrǵan Parıj tazalyq jaǵynan aqsap jatqan syńaıly. Mundaǵy qonaqúılerge kelýshiler 10 balldyq júıe boıynsha olardyń tazalyǵyn tek 7,63 ballǵa ǵana baǵalady. Sonymen qatar London, Oslo, Amsterdam jáne Kopengagen tárizdi el astanalarynyń otelderi de týrısterdiń kóńilinen shyqpaıtyndaryn kórsetti: olardaǵy tazalyq deńgeıi sáıkesinshe nebári 7,52, 7,53, 7,58 jáne 7,60 ballǵa ǵana laıyq dep tanyldy.
