Álemdegi qandaı kórikti nysandarǵa joıylyp ketý qaýpi tóndi
NUR-SULTAN. QazAqparat – Dúnıejúzilik eskertkishter qory (World Monuments Fund) joıylyp ketý qaýpi bar 25 kórikti orynnyń tizimin jarııalady, dep habarlaıdy QazAqparat SNN-ge silteme jasap.
World Monuments Watch tizimine engen nysandardyń arasynda 2019 jyldyń 15 sáýirinde órtten zardap shekken Frantsııadaǵy Parıj Qudaı ananyń (Notr-Dam-de-Parı) shirkeýi, Kýsko qalasyndaǵy áýejaıdyń qurylysynan qaýip tóngen Perýdegi Ýrýbamba (Inkterdiń qasıetti dalasy) bar. Odan bólek, tizimnen Chılıdegi Rapanýı (Pashı araly) Ulttyq parkin, Grýzııadaǵy Týshetı Ulttyq parkin, Mońǵolııa astanasy Ulanbatyrdaǵy Choıdjın-lama mýzeı-hramyn, Japonııanyń Ivamatsý aýdanyn, Pákistannyń Lahora qalasyndaǵy Anarkalı bazaryn jáne taǵy basqasyn kórýge bolady.
Dúnıejúzilik eskertkishter qorynyń tizimi joıylyp ketý aldynda turǵan kórikti oryndar men nysandardy anyqtap, saqtap qalý úshin 1995 jyly jasala bastady. Eki jylda bir jańartylyp turady. Al Qordyń ózi 1965 jyly qurylyp, osy ýaqytqa deıin 90 eldegi 600-den astam jobaǵa demeýshilik kórsetti.
