Álemdegi qala halqynyń tek 12 paıyzy ǵana taza aýamen demalady
ASTANA. QazAqparat - Álemdegi qala halqynyń tek 12 paıyzy ǵana taza aýamen demalady. Bul týraly Dúnıejúzilik densaýlyq saqtaý uıymy júrgizgen zertteýde aıtylǵan.
Uıymnyń málimetinshe, AQSh-tyń Los-Andjeles qalasynyń bir tekshe metr aýasynda 33 mıkrogramm zııandy zattar bar. Bul jóninen atalǵan qalamen qatar Reseı astanasy Máskeý jáne Vengrııa astanasy Býdapesht tur. Aýasy eń las elderdiń jıyrmalyǵyna sonymen qatar Pákistan, Aýǵanstan, Úndistan, Iran jáne Bahreın kirgen.
Al AQSh-tyń basqa qalalary men Avstralııa jáne Kanada qalalary eń taza qalalar qatarynda.
