Álemdegi iri kún qondyrǵysy jumys isteı bastady
ASTANA. 18 sáýir. QazAqparat - Saýd Aravııasynda avstrııalyq kompanııalar ornatqan álemdegi iri kún qondyrǵysy jumys isteı bastady, dep habarlady Lenta.rý.
Jobany «jasyl» energııaǵa mamandandyrylǵan GREENoneTEC jáne AEE Intec kompanııasy júzege asyrdy.
2011 jyldyń ortasynan bastap stansada jabdyqtardy testileý júrgizilip, ony birneshe qaıta iske qosyp kórý oıdaǵydaı ótti. Stansa sýdy jylytyp, Er-Rııadtaǵy astanalyq ýnıversıtetti (Riyad's Princess Noura Bint Abdulrahman University) jabdyqtaıtyn bolady.
Stansyda qumdy daýyldan qorǵaıtyn zamanaýı júıeler kózdelgen. Onyń kún panelderiniń aýdany 36 myń sharshy metrdi quraıdy. Jobanyń quny 4,7 mıllıon dollarǵa tústi. Green Prophet kompanııasynyń atap ótýinshe, taıaýdaǵy jıyrma jyldyń ishinde Saýd Aravııasy kún stansalarynan alynǵan elektr energııasynyń iri eksporttaýshysyna aınalýy múmkin.
Sáýirdiń ortasynda Japonııa Kagosıma prefektýrasynda kún elektr stansasy salynatynyn habarlady. Nysannyń qýaty 70 megavatt bolmaq. Nur Energie kompanııasy 2016 jyly Týnıstiń aýmaǵyndaǵy Sahara shólinde qýaty eki gegavatt bolatyn kún elektr stansasynyń qurylysyn aıaqtaýdy josparlap otyr. Stansa elektr energııasymen Eýropada 700 myń úıdi qamtamasyz etpek.
Kalıfornııalyq Avenpahta da iri osyndaı stansa salýǵa qulshynyp otyr. Onyń qýaty 392 megavattqa jetpekshi. Stansa qurylysy 2011 jyly bastalyp, 2013 jyly aıaqtalýy tıis bolatyn, alaıda jumysty bastaý shóldegi tasbaqalardyń quryp bara jatqan sırek túrin qorǵaý qajettiginen keıinge qaldyryldy.
