Álemdegi iri ken óndirýshi kompanııa jarty jylda $5,5 mlrd shyǵynǵa batty
ASTANA. QazAqparat - Álemdegi iri «BHP Billiton» ken óndirýshi kompanııasy jarty jyldaǵy taza shyǵyny 5,5 mlrd dollardan asqanyn habarlady, dep jazady VVS agenttigi.
Kompanııa habarlamasynda jazylǵandaı, onyń bıznesine qytaı ekonomıkasynyń báseńdeýi men onyń negizgi ónimderi baǵasynyń quldyraýy aıtarlyqtaı keri áserin tıgizgen.
Osylaısha, «BHP Billiton» dıvıdendter kólemin 75% qysqartýǵa májbúr boldy. Ony aktsıonerlerge tólemek.
«BHP Billiton» jarty jyldyǵynyń qorytyndysy boıynsha shyǵyn sońǵy ret 16 jyl buryn tirkelgen. Alaıda sol kezderde de kompanııa dıvıdendter kólemin arttyrǵan.
BHP Billiton álemdegi iri ken óndirýshi kompanııa. 2001 jyly brıtanııalyq Billiton jáne avstralııalyq BHP kompanııalary birikken.
