Álemdegi eń jyldam júretin adam tárizdes robot jasaldy
ASTANA. Tamyzdyń 19-y. QazAqparat - Hitachi japondyq kompanııasy álemdegi eń alǵashqy eń júrdek adam tárizdes gýmanoıd - Emiew dep atalatyn robotyn halyqqa kózaıym etti. Qazirgi kúni olardyń boıynyń uzyndyǵy 1,3 metr bolatyn Emiew - bul "Dos" (Pal) jáne "Joldas" (Chum) degen eki tájirıbelik úlgisi bar.
Aıaqtarynyń ornyna dóńgelek ornatylǵan olar saǵatyna 6 shaqyrymǵa deıin jyldamdyqty údete alady, al osyǵan deıingi ASIMO gýmanoıdy saǵatyna 3 shaqyrymnan asa almaıtyn. «Biz adamdarmen birge tirshilik ete alyp, olardyń paıdasyna jaraı alatyn robotty jasaýdy aldymyzǵa maqsat etip qoıdyq», - deıdi Hitachi ókili Tosıhıko Horıýchı (Toshihiko Horiuchi). - biraq, eger robottar adamdardan da baıaý júretin bolsa, ol olardyń talaptaryna jaýap bere almaıtyn edi».
«Bolashaqta men adamdar men kólikterge soqtyǵyspaı, dúkenge bara alatyndaı jaǵdaıǵa jetkim keledi», - deıdi óziniń sózdiginde 100 sóz qory bar «Joldas» tańdanysyn jasyra almaǵan tilshilerge. Hitachi ókilderiniń aıtýynsha, bul mashınalardy durystap jasaýǵa qosymsha 5-6 jyl qajet.
