Álemdegi eń jasamys mıllıarder Shveıtsarııada 102 jasynda qaıtys boldy

Bul 19 maýsym kúni bolǵan, alaıda ol jóninde tek búgin ǵana belgili boldy. Avtomobılder satýmen aınalysatyn ol negizin qalaǵan kompanııanyń saıtynda onyń «uzaq jáne qyzyqty ómir súrip» kóz jumyp bolǵany aıtylady.

 «Forbs» jýrnalynyń nusqasy boıynsha, álemdegi eń baı adamdardyń tiziminde shveıtsarııalyq azamat 248-shi orynda turǵan. Al Shveıtsarııanyń ózinde odan kóp aqshamyz bar dep tek eki adam maqtana alatyn.

 Shamamen 4,3 mlrd. dollarǵa baǵalanatyn baılyǵyn Hefner Shveıtsarııaǵa avtomobılderdi ımporttaýdan tapty. Budan bólek, ol aqparattyq tehnologııalar salasyndaǵy bıznespen aınalysty - Hefnerde amerıkandyq «CA Technologies» birlestigi aktsııalarynyń eń úlken úlesi bar edi.