Álemdegi eń jas mıllıarder qyz 19 jasta
ASTANA. QazAqparat - 19 jastaǵy norvegııalyq Aleksandra Andersen Forbes-tiń jańa reıtıngi boıynsha álemdegi eń jas mıllıarderi atandy. Onyń baılyǵy - 1,2 mlrd. dollar.
Aleksandranyń Ferd ınvestıtsııalyq kompanııasynda úlesi bar, sol aktsııalary ony álemdegi eń jas mıllıarder atandyrdy. Andersenniń ózi aqsha tabýǵa kóp qunyqpaıdy, ol atqa mingendi jaqsy kóredi jáne Norvegııadaǵy eń myqty degen sportshylardyń biri bolyp sanalady.
Aleksandranyń otbasy erterekte temeki bıznesimen aınalysqan. Jas mıllıarderdiń úlken atasynyń 1849 jyly qurǵan kompanııasy ýaqyt óte kele Norvegııadaǵy eń iri temeki óndirýshi kompanııa bolyp sanaldy. 2005 jyly fırmany satyp jiberedi, al odan túsken 500 mln dollardy ınvestıtsııalar qoryna salady. 2007 jyly ákesi Aleksandra men ekinshi qyzy Katarınanyń atyna aktsııanyń úlken bóligin aýdarady, al ózine tek 15 paıyzyn alyp qalǵan, dep jazady sheteldik BAQ.
