Álemdegi eń jas mıllıarder áıel belgili boldy
ASTANA. QazAqparat - Elızabet Holms - álemdegi eń jas mıllıarder áıel jáne ol jer betindegi eń isker áıelderdiń ondyǵyna kiredi dep habarlaıdy interesno.cc saıtyna silteme jasaǵan Businessnews.kz.
31 jasar «self-meıd» (áıel mıllıarder) Elızabet Holms AQSh-ta turady. Ony jýrnalıster «ıýbka kıgen Stıv Djobs» dep ataıdy.
Elızabet Holms Theranos farmakologııalyq kompanııasynyń negizin salýshy, sondaı-aq kompanııanyń iri quryltaıshylarynyń biri. Onyń jeke qazynasy 4,6 mlrd dollarǵa teń, al bıznesi 9 mlrd dollarǵa baǵalanady.
Theranos kompanııasynyń negizgi ónimi - adamnyń qanyna taldaý júrgizý arqyly onyń densaýlyǵyn anyqtaıtyn dıagnostıkalyq tehnologııa. Osy tehnologııanyń arqasynda adam densaýlyǵyn zertteý óte arzan, tez, ónimdi jáne esh aýyrtpalyqsyz júrgiziledi. Theranos ınnovatsııasynyń negizgi qundylyǵy: patsıenttiń tek bir tamshy qanyn paıdalanyp, 30-dan astam medıtsınalyq zertteý júrgizýge bolady, ıaǵnı onyń densaýlyǵy týraly óte kóp maǵlumat alýǵa múmkindik bar degen sóz.
1984 jyly dúnıege kelgen Elızabet Holms Forbes tizimine 2014 jyly ilindi. Ol 19 jasynda Stenford ýnıversıtetindegi oqýyn tastap, bıznespen aınalysýǵa bel býady.
