Álemdegi eń jalqaý balalar qaıda turady?
ASTANA. QazAqparat - Brıtandyq ǵalymdardyń paıymdaýynsha, álemdegi eń jalqaý balalar shotlandyq balalar eken. Ǵalymdar bul tujyrymdaryn Journal of Physical Activity and Health basylymyna jarııalaǵan.
Bundaı pikirge mamandar Avstralııa, Kanada, Kolýmbııa, Anglııa, Fınlıandııa, Gana, Irlandııa, Kenııa, Meksıka, Jańa Zelandııa, Mozambık, Nıgerııa, Shotlandııa, Ońtústik Afrıka jáne AQSh elderiniń balalarynyń belsendiligin zertteý barysynda keldi.
Tájirıbe kezinde Jańa Zelandııa men Mozambık eliniń balalary anaǵurlym belsendi bolyp keletindigi anyqtaldy. Al qalǵan otyz eldegi balalardyń belsendiligi báseńdeý. Alaıda eń enjar balalar Shotlandııada eken. Ǵalymdar aldaǵy ýaqytta basqa da memleketterdi qosyp, taǵy bir zertteý júrgizýdi josparlap otyr.
