Álemdegi eń uzyn jylan Malaızııadan tabyldy
ASTANA. QazAqparat - Malaızııada qurylys alańyndaǵy jumysshylar álemdegi eń uzyn jylandy ustap aldy. Alyp pıtondy jumysshylar qurylys alańynyń qaq ortasynan tapqan.
Jylannyń ol jerde qalaı tap bolǵany belgisiz, dep jazady 24.kz.
Ony ustaý qıynǵa soqty. Birneshe er adam aldymen onyń aýzyn baılap, arqanmen býyndyryp, áreń degende qolǵa túsirgen eken. Salmaǵy 250 kelige jýyq, al uzyndyǵy 8 metr bolyp shyqty. Mundaı ólshemderimen pıton tutqynda ómir súrip jatqan eń uzyn jylan retinde Gınnestiń rekordtar kitabyna ene alady. Buǵan deıin bul nomınatsııa chempıony Mıssýrı shatynda turatyn Medýza pıtony bolǵan edi. Onyń salmaǵy 158, uzyndyǵy 7 metr 67 santımetr.
