Álemdegi eń uzyn pıtstsa ázirlendi
ASTANA. QazAqparat - Italıandyq aspazdar álemdegi eń uzyn pıtstsany ázirledi, dep habarlaıdy The Local.it.
Rende qalasynda bul taǵamdy daıyndaýǵa 16 saǵat ýaqyt jumsalǵan. Sóıtip, uzyndyǵy 1,2 shaqyrymnan asatyn pıtstsa ázirlendi.
Ony pisirý úshin arnaıy pesh paıdalanyldy. Pıtstsanyń bir bóligi ázir bolǵan kezde ony ústelge qoıyp, kelesi bóligin peshtiń ishine salǵan. Rekordtyq asty tamashalaýǵa 60 myńǵa jýyq adam jınaldy, olardyń keıbiri asty ázirleýge kómegin de berdi.
Buǵan deıin eń uzyn - uzyndyǵy 1,14 shaqyrym bolatyn pıtstsany 2011 jyly ıspandyqtar ázirlegen bolatyn.
Rekord ornatqan ıspandyqtar osylaısha, Rende qalasynyń múmkindigi shekteýli jáne egde jastaǵy jandary úshin arnaıy avtobýsty jolǵa shyǵarýǵa qajetti qarajatty jınap aldy.
