Álemdegi eń uzyn er adam men qysqa boıly áıel kezdesti
ASTANA. QazAqparat - Mysyrdyń Mádenıet jáne týrızm mınıstrliginiń shaqyrtýymen Kaırge álemdegi eń uzyn boıly adam túrkııalyq Sultan Kósen men álemdegi boıy eń qysqa áıel úndistandyq Djıotı Amge keldi.
Bul týraly Ntv haber habarlady, dep jazady Habar 24.
Olar eldegi tarıhı oryndardy aralap kórdi. Álemdegi eń uzyn boıly adam atymen tanylyp, Gınnestiń rekordtar kitabynan oryn alǵan Sultan Kósen Egıpet týrızmine qoldaý kórsetý maqsatynda Kaırge attanǵan. Bul - onyń bul elge alǵashqy sapary. Boıy 2 metr 51 santımetr bolatyn Kósenniń qasynda boıy nebári 62,8 santımetrlik úndistandyq boıjetken Djıotı Amge Gıza pıramıdalary aldynda sýretke tústi. Gınnestiń rekordtar kitabyna engen álemdegi erekshe adamdar Kaırde 4 kún bolady.
