Álemdegi eń uzyn adamǵa ózgeshe úı turǵyzylatyn boldy
ASTANA. 30 shilde. QazAqparat - Túrik bıligi álemdegi ári eldegi eń boıy uzyn adamǵa arnap turǵyn úı qurylysyn júrgizýge bel baılap otyr. haber7.com basylymy habarlaǵandaı, úı bir aıdyń ishinde salynyp bitedi.
Habarǵa qaraǵanda, 30 jastaǵy túrik azamaty Sultan Kosen endigi jerde ózine arnaıy salynǵan baspanada erkin júrip-turatyn bolady. Onyń boıynyń uzyndyǵy -2 m 51 sm; qulashy - 3 metrge jýyq; al alaqanynyń jalpaqtyǵy -28,5 sm. Osyǵan baılanysty ol júrip-turǵanda jáne ózine shaq kıim men aıaq kıim izdegende qınalyp qalady. Sol sebepti, baldaqpen qozǵalatynyn aıta ketý kerek.
Muslim.kz saıtynyń jazýynsha, aldyn-ala alynǵan málimetke qaraǵanda, úıdiń aýmaǵy - 250 sharshy metr; edennen bastap eseptegende onyń bıiktigi -3,5 metr bolmaq.
«Bul úıdi maǵan osydan eki jyl buryn salyp bermek bolyp, ýáde etken edi. Qarjynyń joqtyǵy qolbaılaý boldy. Dese de, «eshten kesh jaqsy», - dedi ol aǵynan aqtarylyp.
