13:11, 04 Shilde 2019 | GMT +5
Álemdegi eń úzdik promoýterlerdiń biri Qazaqstanǵa keldi
NUR-SULTAN. QazAqparat - Top Rank promoýterlik kompanııasynyń basshysy Bob Arým Qazaqstan astanasyna keldi, dep habarlaıdy Sports.kz.

Ol Nur-Sultanda 6 shildede ótetin boks keshine oraı kelgen. Eske salaıyq, boks keshin MTK Global tanymal promoýterlik kompanııasy uıymdastyryp jatyr. Jekpe-jekti ESPN, iFL TV, QazSport jáne basqa da sheteldik telearnalar tikeleı efırden kórsetedi. Boks elorda ýaqytymen 17:00-de bastalady.
Kesh aıasynda úsh tıtýldyq aıqas bolady: WBO Inter-Continental tıtýly úshin qazaqstan boksshy Janqosh Turarov (23-0, 16 KO) pen argentınalyq Maýro Godoı (31-4-1, 16 KO), WBC álem chempıony tıtýly úshin frantsýz Nordın Oýbalı (15-0, 11 KO) men fıılıppındik Artýr Vılıanýeva, WBC International tıtýly úshin qazaqstandyq Vıktor Kotochıgov (9-0, 4 KO) pen ıtalııalyq Haıro Lopes (24-10, 16 KO) kúsh synaıdy.