Álemdegi eń úzdik meıramhananyń bas aspazy ózine qol saldy
ASTANA. QazAqparat - Álemdegi eń úzdik aspazdardyń biri - 44 jastaǵy Benýa Vıole ózine qol saldy. Teńdesi joq Hôtel de Ville meıramhanasynyń bas aspazynyń denesi 31 qańtar kúni óz úıinde tabyldy. Shveıtsarııanyń Vo kantonynyń (ákimshilik-terrıtorııalyq bólinis) polıtseıleriniń málimetinshe, ol ózine oq atqan.
Vıole birden Michelin úsh juldyzy dárejesi berilgen Hôtel de Ville meıramhanasynda 1996 jyldan beri jumys istep kelgen. Sol ýaqyttan beri onyń mansaby óse bergen. 2015 jyly Benýa Vıole basqaryp otyrǵan Hôtel de Ville meıramhanasy La Liste - álemniń úzdik meıramhanalarynyń reıtınginde kósh bastaǵan.
Vıole ózi Le Chefs jýrnaly shyǵaryp otyratyn álemniń úzdik aspazdary reıtıngine turaqty túrde enip otyrǵan. 2016 jyldyń basyndaǵy tizim boıynsha ol 9-orynda turǵan, dep jazady RBK.
