Álemdegi eń úzdik meıramhana anyqtaldy
ASTANA. QazAqparat - Kopengagen qalasyndaǵy Noma meıramhanasy álemdegi eń úzik meıramhanalardyń biri bolyp tanyldy, dep jazady sheteldik BAQ.
Meıramhana óziniń ıspanııalyq básekelesi Jıronadaǵy El Celler de Can Roca meıramhanasyn basyp ozyp, The World's 50 Best Restaurants Awards reıtıngi boıynsha alǵashqy orynǵa shyqty. Tizimdi jasaý kezinde 900-den astam sarapshylardyń pikiri esepteldi.
Noma meıramhanasyn belgili aspaz Rene Redzepı basqarady. Bul mekeme 2010, 2012 jyldary álemdegi eń úzdik meıramhanalardyń qatarynda bolǵan.
Úshinshi orynda Osteria Francescana (Italııa), tórtinshi Eleven Madison Park (AQSh) meıramhanalary tur. sondaı-aq úzdik ondyqqa brıtandyq eki meıramhana Dinner by Heston Blumenthal (5-oryn) jáne The Ledbury (10-oryn) enip otyr.
TOP-10 qatarynda ıspandyq úsh meıramhana, brazılııalyq D.O.M. meıramhanasy (7-oryn), amerıkalyq Alinea (9-oryn) bar.
