Álemdegi eń uzaq aınalatyn spınner jasap shyǵaryldy
ASTANA. QazAqparat - Álem boıynsha eń uzaq aınalatyn spınner jasap shyǵaryldy. Bul týraly búgin korrespondent.net saıty habarlady.
Saturn Spinner atty spınnerdi japonııalyq NSK kompanııasynyń ókilderi jasap shyǵarǵan. Ol álemdegi spınnerlerdiń barlyǵynan da uzaq aınalady. Ádettegi oıynshyqtar eń uzaǵy 1-2 mınýt aınalatyn bolsa, japonııalyq spınner óz osinen 13,5 mınýt boıy toqtaýsyz aınalyp tura alady.
«Biz ózimiz jasap shyǵarǵan dúnıe álemdegi eń uzaq aınalatyn qurylǵy ekenine senimdimiz», - deıdi spınnerdi shyǵarǵan kompanııanyń ókili Tosıkadzý Isıı.
Saturn Spinner spınnerleri jaqyn arada satylymǵa shyǵady dep kútilýde. Al onyń quny 157 dollar shamasynda bolady.
