Álemdegi eń ýly jylan shaqqan bozbala aman qaldy
ASTANA. QazAqparat - OAR-da demalyp júrgen 12 jastaǵy jasóspirimdi mozambııalyq kobra shaqty. Bul týraly sársenbi, 28 jeltoqsan kúni The Daily Mirror jazdy.
Djeık Teılor (Jake Taylor) otbasy jáne dostarymen Kvazýlý-Natal provıntsııasynda bolǵan. Balanyń anasynyń aıtýynsha, qalyń uıqyda jatqan kezinde jylan shaqqan. «Ol ıyǵyndaǵy aýyrlyqty sezingesin oıanyp ketken. Kózin ashsa, qolynda kobrany kórgen. Túısigi iske qosylyp, kereýetindegi jylandy laqtyryp jibergen», - dedi zardap shegýshiniń anasy.
Teılordy jergilikti aýrýhanalardyń birine jetkizip, balaǵa alǵashqy járdem kórsetildi. Jylan onyń denesine tek bir azýyn tıgizip úlgergen. Jaǵdaıynyń jaqsy bolǵanyna qaramastan, dárigerler jylan shaǵýynyń yqtımal zııandy áserlerin anyqtaýǵa bes kún qajet ekendigin aıtyp otyr.
