Álemdegi eń ýly órmekshi shaqqan 10 jasar bala aman qaldy
ASTANA. QazAqparat - Avstralııada 10 jasar uldyń álemdegi eń ýly sanalatyn - sıdneılik órmekshi shaǵyp aldy, medıtsına mamandary balanyń ómirine arasha bola aldy, dep habarlaıdy QazAqparat VVS-ge silteme jasap.
Oqıǵa eldiń ońtústik-shyǵysyndaǵy Berklı Veıl qalashyǵynda boldy. Metıý Mıtchel ákesine saraıdy retke keltirýge kómektesip jatqan, kenetten, saýsaǵy aýyryp ketkenin sezgen. Odan keıin balanyń tula-boıy tyrysyp, aýzynan kópirik shyǵa bastaǵan.
Ákesi balany dereý jergilikti gospıtalǵa jetkizip, oǵan ýǵa qarsy 12 ınektsııa jasalǵan. Jýrnalısterdiń aıtýynsha, ýǵa qarsy dári-dármekterdiń mólsheri úsh ese artyq berilgen, dep jazady «RIA Novostı» agenttigi.
Oqıǵa ornynda tabylǵan órmekshi Avstralııanyń baýyrymen jorǵalaýshylar parkine jiberildi.
Park dırektory mundaı órmekshiniń ýynan keıin tiri qalý ekitalaı ekendigin aıtyp, Metıýdiń baǵy baryn atap ótti.
Foto: © REUTERS/ Kai Pfaffenbach
