Álemdegi eń úlken ushatyn jándik tabyldy - FOTO
ASTANA. QazAqparat - Qytaıdyń Sychýan provıntsııasynda entomologtar álemdegi eń úlken ushatyn jándikti ustap aldy. Qanattaryn kergende onyń uzyndyǵy 21 sm-den sál asady eken. Ekspertter onyń korıdalıdter tuqymyna jatatyndyǵyn anyqtady, dep jazady Lenta.ru.
Entomologtardyń oljasy buǵan deıin ǵylymǵa belgili bolǵan ushatyn jándikterdiń bárinen úlken bolyp shyqty. Osyǵan deıin jer betinde ońtústik amerıkalyq shegirtke eń úlken ushatyn jándik sanalyp kelgen. Onyń uzyndyǵy 19,1 sm bolǵan. Ǵalymdar bul jolǵy «rekordshyny» Qytaıdyń usaq jándikter mýzeıine tapsyrdy.
Korıdalıdter negizinen Qytaı, Vetnam, Indııada ómir súredi. Biraq Sychýanda ol buryn-sońdy kezdespegen.
