Álemdegi eń úlken ushaq taǵy da Almatyǵa qondy
ALMATY. QazAqparat – Álemdegi eń úlken júk ushaǵy An-225 «Mrııa» taǵy da Almatyǵa janarmaı quıý úshin qondy, dep habarlaıdy QazAqparat tilshisi qala áýejaıynyń baspasóz qyzmetine silteme jasap.
Bul joly bort Qytaıdan salmaǵy 102 tonna bolatyn rekordtyq júkpen - ushyp keldi. Ushaqqa medıtsınalyq maqsattaǵy buıymdar jáne COVID-19 qarsy qural-jabdyqtar tıelgen. Bul týraly ýkraınalyq BAQ habarlady.
Ol Almatydan Polsha astanasyna ushady. Varshavada 14 sáýir kúni tańǵy saǵat 09:30 shamasynda bolýy tıis.
Eske salsaq, buǵan deıin de Almaty áýejaıyna álemdegi eń úlken An-225 «Mrııa» ushaǵy kelip qonǵany týraly habarlaǵan bolatynbyz.
Mrııa ushaǵy 1988 jyly Kıevte jasalǵan. Álemde mundaı ushaq ázirge bireý-aq.
