Álemdegi eń úlken ushaq «Mrııa» Almatyǵa qondy (FOTO, VIDEO)
ALMATY. QazAqparat - Almatynyń Halyqaralyq áýejaıynda aty ańyzǵa aınalǵan An-225 «Mrııa» ushaǵy qondy. Bul týraly áleýmettik jelini paıdalanatyn avıatsııa áýesqoılarynyń arqasynda belgili boldy.
Bul An-225 ushaǵynyń Almaty Halyqaralyq áýejaıyna ekinshi ret qonýy.
An-225 "Mrııa" - O.K.Antonov atyndaǵy tájirıbelik-konstrýktorlyq bıýrosy jasaǵan asa aýyr júk tasymaldaýshy kóliktik reaktıvti ushaq. Álemdegi eń úlken ushaq bolyp tabylady. 1984-1988 jyldary Kıev mehanıkalyq zaýytynda jobalanyp salynǵan. 1988 jyly 21 jeltoqsanda ol alǵash ret ushty. 1989 jyly mamyrda ushaqtyń «Boran» ǵarysh kemesimen birge Baıqońyrǵa ushýy boldy, al maýsymda ushaq «Býranmen» birge Le Brýje avıatsııalyq salonyna qatysty. Qazirgi tańda An-225 «Antonovtyń avıajelileri» áýe kompanııasynyń quramynda kommertsııalyq júk tasymaldarynda qoldanylýda. Saǵatyna 850 shaqyrym jyldamdyqpen usha alady. Foto: @Yelena Sergiyenko
