Álemdegi eń úlken ushaq Almatyǵa taǵy qondy

ALMATY. QazAqparat – Almatylyqtar aty ańyzǵa aınalǵan An-225 «Mrııa» ushaǵyn vıdeoǵa túsirip aldy. Belgili bolǵanyndaı alyp ushaq Almaty áýejaıyna jańarmaı quıyp alý úshin qonǵan, dep habarlaıdy QazAqparat tilshisi.

Onyń vıdeosy áleýmettik jelide paıda boldy.

Áýejaıdyń baspasóz qyzmeti alyp ushaqtyń qonaǵanyn rastady. Ol janarmaı quıý úshin toqtady. Qazir qaıta ushyp ketti.

Eske salaıyq, An-225 «Mrııa» ushaǵy Almatyǵa ótken jyldyń kókteminde qonaǵan bolatyn. Ol kezde bort Qytaıdyń Tıantszın áýejaıyna COVID-19 qarsy kúres quraldary men medıtsınalyq qural-jabdyq alý úshin attanǵan.
An-225 «Mrııa» - O.K.Antonov atyndaǵy tájirıbelik-konstrýktorlyq bıýrosy jasaǵan asa aýyr júk tasymaldaýshy kóliktik reaktıvti ushaq.
Álemdegi eń úlken ushaq bolyp tabylady.
1984-1988 jyldary Kıev mehanıkalyq zaýytynda jobalanyp salynǵan.
1988 jyly 21 jeltoqsanda ol alǵash ret ushty.
1989 jyly mamyrda ushaqtyń «Boran» ǵarysh kemesimen birge Baıqońyrǵa ushýy boldy, al maýsymda ushaq «Býranmen» birge Le Brýje avıatsııalyq salonyna qatysty.
Qazirgi tańda An-225 «Antonovtyń avıajelileri» áýe kompanııasynyń quramynda kommertsııalyq júk tasymaldarynda qoldanylýda. Saǵatyna 850 shaqyrym jyldamdyqpen usha alady.