Álemdegi eń úlken ushaq alǵash ret áýege kóterildi
NUR-SULTAN. QazAqparat - Alty qozǵaltqyshy, eki fıýzelıajy bar alyp ushaq AQSh-tyń Kalıfornııa shtatyndaǵy Mohave shólinde alǵashqy synaq ushýyn oryndady, dep habarlaıdy QazAqparat BBC agenttigine silteme jasap.
Bul - álemdegi eń iri ushaq. Microsoft kompanııasyn qurýshylardyń biri 2011 jyly orbıtaǵa jer serikterin jetkizetin ushaq jasaýǵa kirisedi.
Stratolaunch Systems Model 351 ushaǵynyń qanatynyń uzyndyǵy 117 metr shamasynda, áýe kemesiniń uzyndyǵy 53 metr, bıiktigi - 15 metr shamasynda. Eń joǵary ushý salmaǵy 590 tonna shamasynda, tek ushaqtyń taza óz salmaǵy - 226 tonna.
Stratolaunch orbıtaǵa ǵarysh appparataryn jetkizýge arnalǵan. Tasyǵysh zymyran eki fıýzelıaj arasyndaǵy orynǵa bekitiledi.
Buǵan deıin áýege kóterilgen álemniń eń aýyr ushaǵy An-225 «Mrııa» bolatyn. Ol 200 tonna júk alyp usha alady. Ushaq 1988 jyly 21 jeltoqsanda alǵash ret áýege kóterildi.
Stratolaunch ushaǵy Mohave shólinde qurastyryldy. 2017 jyly mamyr aıynda ushaqty jerde synaý úshin alǵash ret angardan shyǵardy.
Eki jarym saǵatqa sozylǵan alǵashqy ushý barysynda, alyp ushaq saǵatyna 304 shaqyrym jyldamdyqpen bes shaqyrym bıiktikke kóterildi. Sonymen qatar, birneshe manevr jasady. 
