Álemdegi eń úlken sýperkompıýter iske qosyldy - Daily Mail
ASTANA. QazAqparat - Osy aptada on jyl boıy qurastyrylǵan jáne quny 19,5 mıllıon dollar turatyn sýperkompıýter iske qosyldy. Bul týraly Daily Mail habarlady.
«Alǵash ret bir sekýndta 200 mıllıon áreket atqara alatyn eń iri sýperkompıýter iske qosyldy. Mamandardyń aıtýynsha, mashına adam mıynyń qyzmetine uqsas jumys isteıdi jáne osy aptada kompıýterdiń bir mıllıonynshy protsessorly ıadrosy ornatyldy. Spiking Neural Network Architecture (SpiNNaker) dep atalatyn kompıýterdi Manchester ýnıversıtetiniń mamandary on jyl boıy qurastyrdy. Al kompıýterdiń kontseptsııasyn jasaýǵa jıyrma jyl ýaqyt ketken», - delingen maqalada.
Sonymen qatar sýperkompıýterdiń ár chıpi júz mıllıon bólshekten turady.
Professor Stıv Farberdiń aıtýynsha, SpiNNaker jumysy qarapaıym kompıýterge qaraǵanda adam mıyna kóbirek uqsaıdy. Sonymen qatar bul kompıýter neırobıologtarǵa adam mıynyń qalaı jumys isteıtinin dálirek túsinýge múmkindik beretin bolady. Sondaı-aq atalmysh tehnıka júretin, qozǵalatyn jáne sóıleıtin mobıldi robottar qurastyrýǵa arnalǵan neırondy júıe jasaýǵa kómektespek.
Aýdarǵan: Aıkúmis Bolatbek
