Álemdegi eń úlken Starship zymyranyn ushyrý keıinge qaldy

TEHAS. QazAqparat – Kásipker Ilon Masktyń SpaceX kompanııasy qurastyrǵan kosmonavtıka tarıhyndaǵy eń úlken «Starship» zymyranynyń kókke kóterilýine 5 mınýt qalǵanda ushyrý keıinge qaldy, dep habarlaıdy QazAqparat tilshisi.

Ilon Masktiń Twitter-degi jazbasyna sensek, buǵan zymyran-tasyǵyshtaǵy klapandardyń birinen shyqqan aqaý sebep bolǵan.

Bul synaqtyń maqsaty - Super Heavy dep atalatyn zymyrannyń birinshi bóligin tekserý. Ol birneshe márte paıdalanýǵa arnalǵan jáne 33 Raptor qozǵaltqyshymen jabdyqtalǵan.

Zymyrannyń bıiktigi - 120 metr, salmaǵy - 5 000 tonna. Ol jer orbıtasyna 150 tonna paıdaly júkti jetkizýge qaýqarly.

Josparǵa sáıkes, Super Heavy 2 mınýt 49 sekýnd jumys isteýi kerek bolatyn.

Keıin ol zymyrannyń negizgi bóliginen ajyrap, jobamen Meksıka shyǵanaǵynyń mańynda áýede qalyqtap turyp, sodan soń sýǵa qulaıdy.

Ilon Mask buǵan deıin atalǵan synaq birden mejeli nátıje bermeýi múmkin jáne ushyrýdy keıinge qaldyrý yqtımal ekenin málimdegen edi.

Endi 48 saǵattan keıin zymyrandy qaıta ushyrý josparlanyp otyr.