Álemdegi eń úlken omletke 145 myń jumyrtqa jumsaldy
ASTANA. 19 tamyz. QazAqparat - Portýgalııalyq aspazdar álemdegi eń úlken omlet pisirdi. Salmaǵy alty tonna bolatyn taǵam úshin 145 myń jumyrtqa jumsaldy. Bul týraly «Alash aınasy» gazeti jazady.
Reseılik buqaralyq aqparat quraldarynyń habarlaýynsha, kýlınarlyq jetistik Ferreıra-dý-Zezırı qalasynda Gınnesctiń rekordtar kitabyna tirkeldi.
105 aspaz taǵamdy dıametri 10 metr, salmaǵy 4 tonna bolatyn tabaǵa alty saǵat boıy pisirdi. Olar myńdaǵan jumyrtqaǵa qosa, 400 keli záıtún maıy men 100 keli sarymaı paıdalandy. Erekshe taǵamnyń óz salmaǵy alty tonnadan asty. Sóıtip, ol munyń aldynda tirkelgen rekordty jańartty. 2010 jyly túrkııalyq aspazdar 4,4 tonna bolatyn omlet pisirgen edi.
