Álemdegi eń úlken qazaqtildi saıt qalaı jumys isteıdi
NUR-SULTAN. QazAqparat - KAZ.NUR.KZ saıtynyń ózgelerden basty ereksheligi - bar materıaldardy qaıtalaý emes, eksklıýzıvti maqalalar týdyrý. Nur.kz ІT kompanııasynyń qazaq tilindegi sátti jobasy qoldanýshylar arasynda jyl ótken saıyn tanymaldyqqa ıe bolyp keledi.
2019 jyldyń qańtarynan KAZ.NUR.KZ redaktsııasy ózin qazaq tilindegi jeke aqparattyq resýrs retinde tanystyryp keledi. Jýrnalıster jumysynyń basty krıterııi memlekettik tildegi sapaly materıaldy ınternet keńistikke usyný.
Adamdar saıasat, shoý-bıznes, mádenıet, sport, tehnologııa álemindegi sońǵy jańalyqtardy KAZ.NUR.KZ saıtyn nemese uıaly qosymshasyn qoldana otyryp, habardar bola alady.
Saıttaǵy eń tanymal aıdarlardyń qataryna «shoý-bıznes», «qoǵam» men «saıasat» jatady.
«Jelide qazaqtildi kontent jetispeıdi. Sonyń ózinde jas býyn aqparatty memlekettik tilde jaqsy oqıdy», - dep bólisti qazaqtildi redaktsııasynyń basshysy Gúlnaz Abdývalı.
KAZ.NUR.KZ toby óz aýdıtorııasy úshin maqalalardy naqty taldap, sońǵy trendterdi ýysynan jibermeıdi. Redaktsııada jumys tańǵy 7-den túngi 12-ge deıin qyzý júredi. Jýrnalıster kúnine 80-ge jýyq maqalalar shyǵarady.
«Biz kásibı mamandar jınaqtalǵan úlken toppyz. Almatylyq keńsede 10 adam jumys isteıdi. Shyǵarýshy redaktorlar onlaın júıesinde memleketpen álemniń aqparattyq órisin qadaǵalaıdy. Qazaqstan boıynsha 30-dan astam keńseden tys jumys isteıtin qyzmetkerler bar. Olar eksklıýzıvti materıaldar jazyp, reportajdar túsiredi.
Bizdiń oqyrmandar óte belsendi. Qyzyqty taqyryptardy jazýymyzdy surap, kúndelikti habarlasatyn oqyrmandarymyz bar», - dep qosty Gúlnaz.
Sáýir aıynda saıtqa 2 mln 270 myń biregeı qoldanýshy kirdi. Jarty mıllıonǵa jýyq qoldanýshy «Vkontakte» men Facebook akkaýnttaryn oqıdy.
Oqyrman KAZ.NUR.KZ saıtynda jańalyqtardan bólek, testter men saýalnamalardan óte alady.
Máselen, «Qazaqstannyń eń tartymdy ákimi» atty test 75 myńnan astam qaralym jınaǵan. Al «Qazaqstandyq shoý-bıznestiń eń ádemi juldyzy» taqyrybyna jasalǵan test - 48 myń qaralym jınady.
Búginde KAZ.NUR.KZ portaly álemdegi qazaqtildi BAQ naryǵynda kóshbasshy orynda tur. Nur.kz IT-kompanııasy jobasy jetistiginiń basty krıterııi - eksklıýzıvti aqparat, adamdardyń senimi, operatıvtilik, aýdıtorııa qyzyǵýshylyǵynyń analıtıkasy men qazaq tilindegi mobıldi qyzmet kórsetý bolyp tabylady.
Redaktsııanyń mindetteriniń biri Qazaqstannyń ár óńirinde avtorlar bazasyn qurý bolyp esepteledi. Eger sizdiń qabiletińiz ben yntańyz bar bolsa, óz mátinderińizdi editor@corp.nur.kz poshtasyna jiberińiz.
Qazaqstan men álem jańalyqtarynan habardar bolý úshin Android pen iOS platformasyndaǵy Nur.kz mobıldi qosymshasyn júkteńiz.
Jańalyqtardy ana tilińizde oqyńyz!
