Álemdegi eń úlken aısberg eridi
NUR-SULTAN. QazAqparat – Álemdegi eń úlken A68 aısbergi erip ketti. Ol birneshe bólikke bólinip qalǵan, dep habarlaıdy QazAqparat Sky News-qa silteme jasap.
2017 jyly Antarktıka jartylaı túbeginiń muzdyǵynan ajyraǵan kezde onyń aýdany 5800 sharshy shaqyrymdy quraǵan. Al massasy shamamen bir trıllıon tonna boldy. Alaıda, sońǵy spýtnıktik málimetter boıynsha alyp aısberg nazardan joǵalyp, erip, usaq bólikterge bólinip qalǵan.
Alyp aısberg Aısbergter alleıasy ataýymen belgili aýdanda bir orynda qalqyǵan kúıi shamamen bir jyl boıy qozǵalmaǵan.
Alaıda A68 ýaqyt óte kele, jyly sý men aýanyń joǵary temperatýrasy saldarynan kólemi azaıa túsken. Tipti usaq bólikterge bóline bastaǵan.
