Álemdegi eń taza 10 qala
ASTANA. QazAqparat - Amerıkanyń Mercer Human analıtıkalyq uıymy 2012 jyldyń qańtar aıynda zertteý jumystaryn júrgizý nátıjesinde eń taza qalalardy anyqtady, dep jazady massaget.kz.
Zertteý kezinde álemniń 221 qalasy zerttelingen bolatyn. Taza qalalardyń qataryn anyqtaǵan kezde aýanyń lastaný dárejesi, kanalızatsııalyq júıeniń ahýaly, qoqys qaldyqtarynyń bolmaýy, aýyz sýynyń taza bolýy sııaqty faktorlar eskerildi. Sonymen qatar, ekologııalyq ahýaly jaqsy ári taza qalalarda turatyn halyqtyń mádenıettiligi, etıkalyq tárbıesi, turmys deńgeıi eskerilgen.
1. Kalgarı, Kanada
Qala turǵyndarynyń sany - 1 100 000. Bul aımaqtyń klımaty kontınentaldy. Qorshaǵan orta men aýa lastanýynyń dárejesi óte tómen. Qala turǵyndary aýyz sý men elektroenergııany únemdi paıdalanady.
2. Gonolýlý, Gavaıı shtaty, AQSh
Halyq sany - 377 000. Tropıkalyq klımaty bar Gonolýlýǵa jyl saıyn týrıster keledi. Bul ózgelerdi taza kóshelerimen, jaǵymdy aýasymen tartady. Gonolýlý týrıstik mekenderimen qatar, mádenı is-sharalarymen tanymal.
3. Ottava, Kanada
Bıiktigi 114 metrge jetetin Ottava qalasy Appalachı taýynyń baýraıynda ornalasqan. Halyq sany - 1 174 000. Klımaty qońyrjaı, kontınetaldy.
4. Helsınkı, Fınlıandııa
Jartasty mekende ornalasqan Helsınkı qalasynda shamamen 1 299 000 adam turady. Klımaty qońyrjaı kontınentaldy.
5. Vellıngton, Jańa Zelandııa
Halyq sany 431 400-ǵa jetetin Vellıngton qalasy výlkan shyqqan aılaqtyń ońtústik-batysynda ornalasqan. Bul jerde jıi-jıi daýyldy jelder soǵady. Sýbtropıkalyq teńiz klımatty.
6. Mınneapolıs, Mınnesota shtaty, AQSh
Mınneapolıstiń klımaty kontınetaldy. Halyq sany - 3 502 891. Bul qalada qoljetimdi baǵaǵa múlik satyp alýǵa bolady. Sondaı-aq, qala turǵyndarynyń turmys deńgeıi óte joǵary.
7. Adelaıda, Ońtústik Aýstralııa
Adelaıda qalasy teńiz deńgeıinen 50 metr joǵary bıiktikte ornalasqan. Aýmaǵy 870 sharshy shaqyrym. Teńiz klımatty bul qalanyń turǵyndarynyń sany 1 138 800.
8. Kopengagen, Danııa
Dat eliniń Kopengagen qalasynyń klımaty - qońyrjaı. Halyq sany 548 443.
9. Kobe, Japonııa
Bul qalada keńinen tanymal iri kompanııalardyń shtab-páterleri ornalasqan. Atap aıtsaq, ASICS, Daiei, Kawasaki Heavy Industries, Kawasaki Shipbuilding Co., Mitsubishi Motors, Mitsubishi Heavy Industries, Mitsubishi Electric, Kobe Steel, Sumitomo Rubber Industries ı TOA Corporation t.s.s. Halyq sany 1 538 840.
10. Oslo, Norvegııa
Halyq sany 590 041. Oslo qalasyn "jastar qalasy", "stýdentter qalasy" dep ataıdy. Bul qalada jyl saıyn shamamen 73 000 stýdent joǵary bilim alady. Al jumys basty jandardyń kóbi Oslo qalasynyń shetki aımaǵynda ómir súredi.
