Álemdegi eń tanymal messendjer belgili boldy
ASTANA. QazAqparat - Qytaılyq QQ messendjeri aı saıynǵy paıdalanýshylardyń sany boıynsha álemde birinshi orynǵa shyqty, dep habarlady Bloomberg.
Tencent korporatsııasyna tıesili QQ aı saıynǵy paıdalanýshylarynyń sany 843 mln-ǵa jetti. Facebook-qa tıesili messendjer Whatsup ekinshi orynda, onymen aıyna 800 mln. adam paıdalanady eken. Úshinshi orynda Facebook Messenger. Aı saıynǵy paıdalanýshylardyń sany 700 mln.
Aýdıtorııasynyń eń kóp ósýi qytaılyq WeChat messendjerinde baıqaldy, sońǵy toqsanda aýdıtorııasy 37%-ǵa ulǵaıyp, aıyna 600 mln. paıdalanýshy kórsetkishine qol jetkizdi.
