Álemdegi eń tanymal qazaqstandyqtardyń esimderi belgili boldy
ASTANA. 20 maýsym. QazAqparat - Vlast ǵalamtor jýrnaly óz Otanynan tys jerlerde erekshe tabysqa jetken Qazaqstan týmalary jóninde aqparat jınady.
«Megapolıs» basylymy jazǵandaı, tizimdegi alǵashqy oryndy belgili skrıpkashy jáne dırıjer, Bırmıngem konservatorııasynyń professory Marat Bısenǵalıev alǵan. Mýzykant Almaty qalasynda týǵan, 20 jyldan astam ýaqyt boıy Ulybrıtanııada turyp kele jatqanyna qaramastan, Bısenǵalıev azamattyǵyn aýystyrmaǵan.
Ekinshi oryndy ekibastuzdyq marafonshy Marat Jylanbaev ıelendi. Ol adamzat tarıhynda alǵash ret uly Sahara shólin soltústikten ońtústikke qaraı júgirip ótip, 7 ret rekord ornatty, sóıtip, Gınnestiń Rekordtar kitabynan laıyqty ornyn aldy.
Úshinshi orynǵa - 33 jastaǵy dırıjer Alan Bóribaev turaqtady. Ol Irlandııanyń ulttyq sımfonııalyq orkestriniń mýzykalyq jetekshisi bolyp tabylady.
Ingýshetııanyń eks-prezıdenti Rýslan Aýshev tórtinshi orynnan kórindi. Tanymal saıasatker jáne qoǵam qaıratkeri Kókshetaý oblysyndaǵy Volodar aýylynda týǵan, búgin ol jer Soltústik Qazaqstan oblysynyń Aıyrtaý aýdany dep atalady.
Bestikti KSRO halyq ártisi, marqum Oleg ıAnkovskıı tuıyqtaıdy. Ol Jezqazǵanda dúnıege kelgen. Keıinirek ıAnkovskııdiń otbasy Saratovqa kóshken, belgili akterdiń shyǵarmashylyq joly osy jerde bastaý aldy.
Aıta keteıik, tizimdegi 5 qazaqstandyq ta ártúrli salalarda kózge túsken: keıbireýinde Qazaqstan azamattyǵy joq bolsa da, olardy qandaı jaǵdaıda da Qazaqstanmen jıi baılanystyrady, dep habarlaıdy Eýrazııa birinshi arnasy .
