Álemdegi eń tanymal án ataldy
ASTANA. QazAqparat - Universal Music kompanııasy latynamerıkalyq oryndaýshy Lýıs Fonsıdiń «Despacito» ánin álemdegi eń tanymal kompozıtsııa retinde tanydy. Jarty jyl ishinde atalmysh hıt 4,6 mıllıard ret tyńdalǵan, dep habarlaıdy QazAqparat «Dnı rý» saıtyna silteme jasap.
Belgili reper Daddy Yankee-diń qatysýymen jazylǵan Lýıs Fonsıdiń «Despacito» áni kópshilikke aǵymdaǵy jyldyń qańtar aıynda jol tartqan bolatyn jáne birden derlik latyn hıt-paradtarynda kósh bastady.
Al «Despacito»-nyń remıksine tanymal ánshi Djastın Bıber túskennen keıin, án álemdik tanymaldylyqqa ıe boldy.
Universal Music kompanııasy óziniń taldaýynda Spotify, Apple Music, Amazon, YouTube jáne ózge de belgili platformalardyń málimetterine súıengen.
Osylaısha, jarty jyl ishinde latyn hıti 4,6 mıllıard ret tyńdalǵan. Bul rette, eń kóbi - vıdeohostıngter arqyly. Atap aıtqanda, ánge túsirilgen vıdeoklıp 2,6 mıllıard ret qaralǵan.
