Álemdegi eń shaǵyn meıramhana - Italııada
ASTANA. 12 qarasha. QazAqparat - Italııanyń Vakone qalasynda erekshe Solo Per Due meıramhanasy ashyldy.
Bul álemdegi eń shaǵyn meıramhanaǵa aınaldy. Onda eki adamǵa arnalǵan bir ǵana ústel bar.
Solo Per Due meıramhanasyndaǵy bir túski astyń quny bir adamǵa 250 eýrodan keledi. Onyń ishine sýsyndar kirmeıdi. Bul somaǵa jergilikti ónimder: eshki irimshigi, orman sańyraýqulaqtary, nan, et pen záıtún maıynan jasalǵan birneshe dámdi taǵamdar engen.
Meıramhanaǵa aldyn ala jazylý qajet. Qazirdiń ózinde kezek birneshe aıǵa sozylǵan kórinedi. Óıtkeni Solo Per Due jylyna 1500-ge jýyq adamdy ǵana qabyldaı alady. Barǵysy kelgen tilek bildirýshiler sany tym artyp otyr.
