Álemdegi eń semiz áıel qaıtys boldy
ASTANA. QazAqparat - Birikken Arab ámirlikterinde turǵan álemdegi eń semiz áıel Eman Ahmed Ab El Atı kóz jumdy, dep habarlaıdy «QazAqparat» HAA tilshisi Life.ru saıtyna silteme jasap.
Aqparat kóziniń málimetine sáıkes, Eman Ahmed Ab El Atı sońǵy birneshe jyl boıy álemdegi eń semiz áıel bolǵan.
«Ol dúısenbi kúni, BAÁ ýaqyty boıynsha 25 qyrkúıekte saǵat tańǵy 4:35 kezinde ishek pen búırekke zaqym kelýin baılanysty qaıtys boldy», - delingen habarlamada.
Osy jyldyń aqpanynda ony semizdikten emdeý úshin úndistandyq aýrýhanaǵa jetkizgen. Ol kezde Eman Ahmed Ab El Atıdiń salmaǵy 495 keli bolǵan. Otadan keıin áıel 200 keli salmaq tastaǵan bolatyn.
