Álemdegi eń semiz adam aryqtamaqshy bolyp kóz jumdy
ASTANA. QazAqparat - Álemdegi eń semiz adam - 44 jastaǵy brıtandyq Kıt Martın aryqtamaqshy bolyp kóz jumdy. Bul týraly Daily Mail gazetine silteme jasaǵan TASS habarlaıdy.
«Álemdik rekordty ornatý kezinde salmaǵy 444,5 keli bolǵan Martın asqazanyn kishireıtý boıynsha jasalǵan otadan keıin segiz aı ótken soń qaıtys boldy. Jasalǵan otadan keıin onyń asqazanynyń kólemi 75 paıyzǵa kishireıdi», - dep atap ótedi basylym.
Qaıtys bolar aldynda Martınniń salmaǵy 247,6 keli bolǵan.
Londonda turǵan brıtandyq azamattyń esimi ótken jyly álemdegi eń semiz adam ataǵyn alǵan soń keńinen tanymal boldy. Tańǵy asqa alty qýyrylǵan jumyrtqa jeıtini belgili edi. Túski jáne keshki asqa Martın jedel taǵamdaný meıramhanalarynan kóptegen as túrlerine tapsyrys beretin. Táýligine brıtandyq medıtsınalyq bılik kózderi keńes etken 2,5 tys. kalorııanyń ornyna 20 myń kalorııany jaratty.
Salmaǵynyń úlkendigi saldarynan jas azamat páterine shyqpaı, áleýmettik járdemaqyǵa ómir súrgen.
Aǵymdaǵy jyly aryqtaýdy sheshken Martın asqazanynyń bir bóligin kesip tastaýǵa ota jasatýǵa kelisti. «Jata berýden jalyqtym, dalaǵa shyqqym keledi», - dedi ol jumysshylardyń ony aýrýhanaǵa áketý úshin úıdiń qabyrǵasynyń birin buzýǵa kelgeninde.
Basylymnyń atap ótýinshe, brıtandyq azamattyń ólimine ókpesiniń qabynýy sebep bolǵan.
