Álemdegi eń semiz adam 127 kıláǵa aryqtady
ASTANA. Aqpannyń 4-i. QazAqparat - Álemdegi eń semiz adam brıtandyq Pol Meıson (Paul Mason) asqazanyn taryltý boıynsha jasalǵan operatsııadan keıin 127 kıláǵa aryqtaǵan. Qazir ol 184 kılá salmaq tartady,
dep habarlaıdy QazAqparat Lenta.rý saıtyna silteme jasap.
Jasy 48-degi Meıson buǵan deıingi osy ataqtyń ıegeri meksıkandyq Manýel Ýrıbe (Manuel Uribe) óziniń 572 kılályq salmaǵynyń basym bóligin úılený úshin tastaǵannan keıin ǵalamshardaǵy eń aýyr salmaqty adam boldy.
Operatsııa jasaý aldynda dárigerler Meısondy onyń pyshaqqa túsýin jeńildetý maqsatynda qatań dıetaǵa otyrǵyzdy. Salmaǵy sál ǵana tómendegennen keıin álemdegi eń semiz adam nyǵaıtylǵan arbasy bar arnaıy «jedel járdemmen» aýrýhanaǵa jetkizildi.
Salmaǵynyń bir bóligin ol operatsııa kezinde asqazanǵa qoljetimdilikti qamtamasyz etý úshin qarnynan maıdy sylyp alý kezinde joǵaltty. Odan keıin toqtyq shaqyrý úshin asqazandy hırýrgııalyq jolmen taryltqannan keıin ózi-aq qońynan aryla bastady.
Operatsııadan keıingi Meısonnyń kóńil-kúıi jaqsy jáne salmaq tastaýdy odan ári jalǵastyrýǵa bel baılap otyr.
