Álemdegi eń salmaǵy aýyr er adam qaıtys boldy
ASTANA. QazAqparat - 2006 jyly álemdegi eń semiz er adam retinde Gınnestiń rekordtar kitabyna engen meksıkalyq Manýel Ýrıbe 26 mamyr kúni, 48 jasqa qaraǵan shaǵynda qaıtys boldy.
Associated Press habarlaǵandaı, ol 2 mamyr kúni arıtmııamen aýrýhanaǵa túsken kórinedi. Manýel Ýrıbeni aýrýhanaǵa aparý úshin kran kerek bolǵan. Onyń óliminiń naqty sebepteri áli anyqtalǵan joq.
Manýel Ýrıbe 1965 jyly 11 maýsymda týǵan. Ol jasóspirim kezinde-aq 115 kg tartqan eken. Al 1992 jyldan bastap, ózi aıtqandaı, «shar sekildi qampaıa» bastady. 2002 jyldyń jazynan bastap ol syrtqa shyǵa almaıtyn bolǵandyqtan, ony anasy men dostary kútti.
2006 jyly ol 560 kg salmaqpen Gınnestiń rekordtar kitabyna endi.
Qaıtys bolar aldynda Manýel Ýrıbeniń salmaǵy 394 kg bolǵan.
