Álemdegi eń nashar kólikter belgili boldy
ASTANA. QazAqparat - Ulybrıtanııa úzdik jáne eń nashar avtomobıl óndirýshilerdi tańdady, dep habarlady sheteldik BAQ.
Zertteý jumystaryn Auto Express basylymy qolǵa alyp, 50 myńnan astam adam arasynda saýalnama júrgizgen. Saýalnama barysynda respondentter óz kólikterin 10 túrli parametr boıynsha baǵalapty. Atalǵan ólshemder qatarynda senimdiligi, qurastyrylý sapasy, únemdiligi, paıdalaný shyǵyndary, basqarylýy, dınamıkasy, joldaǵy jaılylyǵy, tehnologııasy syndy sıpattamalar bar.
Saýalnama nátıjesinde úzdik jáne eń nashar avtomobıl belgili boldy. Sonymen, brıtandyq kólik júrgizýshiler Skoda markaly kólikterdi jaqsy kóretindigi belgili boldy. Jalpy esepte dál osy brendtegi kólikter eń joǵary 100 balldyń 89,75 ballyn jınady. Al ekinshi orynǵa 89,34 ball jıǵan Jaguar, úshinshi orynǵa 88,98 ballmen MG markaly kólikter turaqtady.
Úzdik ondyq qataryna Lexus, Dacia, Porsche, Kia, Mazda, Mercedes-Benz jáne BMW kóligi endi. Al eń nashar kólikter qatarynda Suzuki, Chevrolet jáne Chrysler markaly kólikter ataldy.
