Álemdegi eń minsiz gaýhar bássaýdaǵa túspek
ASTANA. QazAqparat - Sáýir aıynyń tórtinshi juldyzynda gonkongtik Sotheby's bássaýda úıinde «Alqyzyl Juldyz» atalatyn gaýhartas satylymǵa shyǵarylady, dep jazady Massaget.kz.
«Alqyzyl Juldyz» - tabıǵat jaratqan sulýlyqtyń biregeıi. Amerıkalyq Gemmologııalyq ınstıtýty (GIA) janyndaǵy zerthana mamandarynyń aıtýynsha, 59,60 karattan turatyn «Alqyzyl Juldyz» - álemde teńdesi joq qubylys, minsiz baǵaly tas.
132,5 karattan turatyn krıstalldy 1999 jyly Afrıkadan De Beers kompanııasy ókilderi tapqan bolatyn. Tas eki jyldan astam ýaqyt boıy óńdelip, naǵyz shedevrge aınaldy. Atalmysh baǵaly tas gaýhar baǵalanýy múmkin barlyq sıpattama boıynsha, ıaǵnı, móldirligi men tústik ereksheligi boıynsha esh minsiz degen baǵaǵa ıe boldy. Óte sırek, bar bolǵany 2% ǵana kezdesetin Type IIa tobyna jatatyn gaýharǵa barsha álem kóz tigip otyr.
Sáýirlik bássaýdanyń top-loty sanalatyn gaýhardyń bastapqy quny - 60 mıllıon AQSh dollary nemese 468 mıllıon gonkong dollary.
